THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.


There was an error in this gadget

MWALIMU HOUSE NAFASI ZA UPANGAJI.

MWALIMU HOUSE-NAFASI ZA UPANGAJI.
Kampuni ya Walimu ya (Teachers’ Development Company Limited) inayo furaha kuutangazia umma nafasi za upangaji katika jengo la MWALIMU HOUSE lililopo Kiwanja Namba 48 Kitalu ‘Y’, ILALA BOMA jijini Dar es Salaam. Jengo linapakana na Barabara ya Uhuru na Kawawa mkabala na Ofisi ya Mkuu wa Mkoa wa Dar es Salaam na Soko la Karume na Ilala maarufu kama Ilala Boma. 

Nafasi zilizopo katika jengo zinaweza kutumiwa kwa shughuli mbalimbali za kiofisi, maduka, bank, zahanati, mgahawa, chuo nk.

Nafasi za upangaji zinapatikana kuanzia ghorofa ya kwanza hadi ya nane kwa ukubwa wa kuanzia square mita 42 hadi 218. Gharama ya Upangaji ni Tshs. 24,000 (Bila VAT) kwa square mita moja ikijumuisha kodi ya pango (rent) na baadhi ya huduma zinazotolewa katika jengo (service charge). 

Huduma zifuatazo zinatolewa katika jengo letu la Mwalimu House;- 

(i) Genereta (Stand by Generator) (Mpangaji atachangia fedha kidogo ya mafuta ya Generator)
(ii) Tenki kubwa la kuhifadhi Maji
(iii) Lifti ya kubeba watu 10 kuanzia ghorofa ya chini (Basement) hadi ya nane.
(iv) Eneo kubwa la Parking (Inalipiwa)
(v) Usafi na Ulinzi (Masaa 24)
Gharama nyinginezo zitakazolipiwa na mpangaji ni kama ifuatavyo-;

 Tozo ya kuandaa nyaraka mbalimbali (Documentation fee)-Tshs. 236,000/-Italipiwa mara moja katika kipindi chote cha upangaji.

 Tozo ya bima ya pango (security Deposity)-ni kodi ya mwezi mmoja- Italipiwa mara moja katika kipindi chote cha upangaji -Itarudishwa endapo mpangaji atahama bila kufanya uharibifu katika eneo la upangaji.
Kwa maelezo zaidi au kuona maeneo yanayopangishwa, Tafadhali usisite kuwasiliana nasi kupitia:-
Simu ya Mkononi: 0769 084939, 0713 495603, 0765 187365
Simu ya Mezani: 0222203063
Email: tdevcoltd@gmail.com;khadijagogo@gmail.com.


TOWN PLANNERS REGISTRATION BOARD: ANNOUNCING THE 3 RD ANNUAL GENERAL MEETING ON 14 TH – 15 TH JULY, 2016



Waziri Mwijage akagua maandalizi Maonesho ya 40 ya Biashara ya Kimataifa ya Dar es Salaam

 Mh. Charles Mwijage Waziri wa Viwanda na Biashara alipotembelea  uwanja wa Mwalimu Nyerere barabara ya Kilwa kukagua maandalizi ya maonesho ya 40 ya Biashara ya Kimataifa (SABASABA) . Kushoto kwake ni Bw. Edwin Rutageruka Kaimu Mkurugenzi Mkuu wa  TanTrade na Bw. Odilo Majengo Mkurugenzi wa Masoko WBBU. Maonesho haya maarufu kama SABASABA yanatarajia kuanza kesho Jumanne 28.6.2016
 Waziri wa Viwanda na Biashara Mhe. Charles Mwijage akkipata maelezo kuhusu maandalizi
 Waziri wa Viwanda na Biashara Mhe. Charles Mwijage akikagua viwanja vya maonesho
 Waziri wa Viwanda na Biashara Mhe. Charles Mwijage akikagua banda la Karume, Pamoja naye ni Bw. Edwin Rutageruka Kaimu Mkurugenzi Mkuu wa  TanTrade 
 Waziri wa Viwanda na Biashara Mhe. Charles Mwijage akitoa maelekezo wakati wa ukaguzi huo
Mh. Waziri Mwijage akiwa katika Banda la SIDO. Kushoto kwake ni Mhandisi Omar Bakari Mkurugenzi Mkuu wa SIDO na kushoto kwake ni Bw. Edwin Rutageruka Kaimu Mkurugenzi Mkuu wa TanTrade.
Maandalizi ya mwisho mwisho ya Maonyesho ya 40 ya Kimataifa ya Dar es Salaam, yamepamba moto, ambapo Waziri wa Viwanda, Biashara na Uwekezaji, Mhe. Charles Mwijage, amefanya ziara ya kukagua maandalizi hayo. Pichani ni Waziri Mwijage akikagua maandalizi kwenye moja ya mabanda. Kulia ni Kaimu Mkuugenzi wa Tantrade, Edwin Rutageruka. 





Jeshi la Zimamoto na Uokoaji kutoa elimu na kusikiliza kero katika kuadhimisha wiki ya utumishi wa umma

Katika kuboresha huduma bora kwa jamii Jeshi la Zimamoto na Uokoaji limeandaa banda maalum kwa ajili ya kusikiliza kero mbalimbali, kutoa elimu juu ya kazi zetu sambamba na kupokea maoni toka kwa wananchi ili kuboresha huduma za zimamoto na maokozi katika jamii. 
Maadhimisho haya yatafanyika kuanzia tarehe 27 - 30/06/2016 katika viwanja vya kituo cha Zimamoto na Uokoaji Ilala jijini Dar es salaam
katika utekelezaji wa maadhimisho ya Wiki ya Utumishi wa Umma nchini kwa mwaka 2016.
“Wote Mnakaribishwa”
IMETOLEWA NA JESHI LA                                                                                  ZIMAMOTO NA UOKOAJI


Maombi Maalumu Kwa Ajili ya Kumuombea Rais Magufuli na Tanzania Katika Kanisa la IEAGT Shinyanga

Mchungaji Mabushi akiwa na Katibu wa kanisa la IEAGT Mchungaji Obed Jilala wakiwa wameshikilia bendera ya Tanzania wakati wa kuliombea taifa
Waumini wakiombea nchi ya Tanzania
Maombi yanaendelea
Wazee wa kanisa wakiwa kanisani
Maombi yanaendelea
Meza kuu wakiliombea taifa la Tanzania.


BREAKING NEWZZZ:Rais Magufuli afanya uteuzi wa Wakuu wa Wilaya na afanya mabadiliko madogo ya Wakuu wa Mikoa





Rais wa Jamhuri ya Muungano wa Tanzania Dkt. John Pombe Magufuli leo tarehe 26 Juni, 2016 amefanya mabadiliko madogo katika safu ya wakuu wa mikoa na amewateua wakuu wa wilaya 139.
Katibu Mkuu Kiongozi Balozi John Kijazi amesema katika mabadiliko hayo Rais Magufuli amemteua aliyekuwa Mkuu wa Wilaya ya Sengerema Bi. Zainab R. Telack kuwa Mkuu wa Mkoa wa Shinyanga.
Bi. Zainab R. Telack anajaza nafasi iliyoachwa wazi na aliyekuwa Mkuu wa Mkoa wa Shinyanga Bi. Anna Kilango Malecela ambaye uteuzi wake ulitenguliwa.
Rais Magufuli pia amemteua Dkt. Binilith Satano Mahenge kuwa Mkuu wa Mkoa wa Ruvuma.
Dkt. Binilith Satano Mahenge anajaza nafasi iliyoachwa wazi na aliyekuwa Mkuu wa Mkoa wa Ruvuma Bw. Said Thabit Mwambungu ambaye amehamishiwa Ofisi ya Waziri Mkuu Dar es salaam ambako atapangiwa majukumu mengine.
Aidha, Rais Magufuli amemteua Dkt. Charles F. Mlingwa kuwa Mkuu wa Mkoa wa Mara.
Dkt. Charles F. Mlingwa anajaza nafasi iliyoachwa wazi na Bw. Stanslaus Magesa Mulongo ambaye uteuzi wake umetenguliwa.

Wakuu wapya wa mikoa walioteuliwa wataapishwa tarehe 29 Juni, 2016 saa tatu kamili asubuhi Ikulu Jijini Dar es salaam na mara baada ya kuapishwa watakula kiapo cha maadili ya uongozi.

Wakati huo huo, Rais wa Jamhuri ya Muungano wa Tanzania Dkt. John Pombe Magufuli leo tarehe 26 Juni, 2016 amefanya uteuzi wa Wakuu wa Wilaya 139.
Katibu Mkuu Kiongozi Balozi John Kijazi amesema katika uteuzi huo Rais Magufuli amezingatia mambo kadhaa ikiwa ni pamoja na umri ambapo kwa wale ambao umri wao ni zaidi ya miaka 60 ameamua wastaafu.

Mhe. Rais amewashukuru sana kwa utumishi wao mzuri na amesema pale ambapo itahitajika, serikali itaendelea kuwatumia katika majukumu mengine.
Katika uteuzi huo, Wakuu wa Wilaya waliopo sasa ambao wamebaki katika nafasi zao ni 39. Pia Rais Magufuli amewateua Wakurugenzi Watendaji wa halmashauri 22 kuwa Wakuu wa Wilaya kutokana na utendaji wao mzuri.

Aidha, nafasi 78 za uteuzi wa Wakuu wa wilaya zimejazwa na watanzania wengine ambao wameteuliwa kwa mara ya kwanza wengi wao wakiwa ni vijana, wenye elimu ya kutosha na uzoefu katika maeneo mbalimbali.

Walioteuliwa kuwa wakuu wa wilaya ni kama ifuatavyo (Orodha imepangwa kulingana na mikoa).



Mkubwa na Wanawe watoa msaada Hospitali ya Rufaa ya Mkoa wa Temeke


Kituo cha kuvumbua na kuendeleza vipaji vya muziki cha Mkubwa na Wanawe, kimetoa msaada ya vifaa vya tiba na vifaa mbalimbali vikiwe vile vya usafi, dawa za meno, sabuni, maji na juisi kwa wodi ya Watoto waliolazwa katika Hospitali ya Rufaa ya Mkoa wa Temeke, Jijini Dar es Salaam.

Awali akizungumza wakati wa kukabidhi vifaa hivyo, kiongoni wa kituo hicho, Said Fella, amesema wameamua kufanya hivyo kutokana na kuguswa na changamoto zinazoikabili hospitali hiyo ya Temeke ambayo pia ni majirani zao ambapo pia amebainisha kuwa kundi hilo limekuwa likifika Hospitalini hapo kuchangia misaada mbalimbali.

Said Fella ameongeza kuwa, alishauriwa na vijana wake waliopo katika kituo chake kuona ni vipi wanaweza kushiriki katika shughuli yoyote ya kijamii kwa kipindi hiki cha mfungo wa Mwezi Mtukufu wa Ramadhan na wote kwa pamoja kukubaliana kutoa msaada huo.

“Nasi pia ni kama wagonjwa watarajiwa, hivyo tumeona ni vema kuja kutoa msaada wa vifaa mbalimbali vya tiba kama tulivyoshauriwa na wenyeji wetu, tukiwa pamoja na mabalozi wetu. Msaada tuliotoa una thamani ya Sh milioni tatu,” alisema Fella.

Akipokea msaada huo, mmoja wa madaktari wa hospitali hiyo, Rashid Nyumbiage, alikishukuru kituo hicho kwa kuwakumbuka akiwataka wasanii na viongozi wake pamoja na wengineo wenye nafasi kuendelea kuwakumbuka.

“Vifaa tulivyoletewa ni Paso-Oximeter cha kupimia kiwango cha oksijeni mwilini, HB Culvate cha kupima kiwango cha damu, mashine ya BP ambayo kazi yake ni kufahamu kama presha ya damu (BP) imeshuka au la na Mashine ya Nebulizer yenye kazi ya kuwapimia dawa wagonjwa wa pumu,” alisema Nyumbiage.

Akizungumza kwa niaba ya wenzake takribani 50 alioambatana nao hospitalini hapo, msanii anayeunda kundi la Yamoto, Dog Aslay, alisema kuwa wamefarijika kuwasaidia wagonjwa akiahidi kufanya hivyo wakati mwingine watakapopata nafasi.

Tukio hilo la aina yake kwa kundi hilo ambalo ufanya mara kwa mara katika kutembelea jamii na kusaidia misaada, limeweza kupongezwa na baadhi ya ndugu wa wagonjwa na wagonjwa wenyewe kwa kueleza kuwa ni tendo la kuigwa na kila mmoja wetu hasa wasanii ambao ni kioo cha jamii.Baadhi ya vijana wanaounda kundi la Mkubwa na Wanawe Hospitali ya Rufaa ya Mkoa wa Temeke wakati wa tukio hilo lililofanyika leo Juni 26.2016.Kiongoni wa kituo cha Mkubwa na Wanawe, Said Fella, akielezea namna vijana wake walivyoguswa na kuamua kujitolea kwa ajili ya watu wenye kuhitaji wakiwemo wa Hospitali hiyo ya Temeke.Kiongoni wa kituo cha Mkubwa na Wanawe, Said Fella, akimkabidhi baadhi ya vifaa Daktari wa hospitali hiyo, Rashid Nyumbiage Baadhi ya wasanii wa kundi la Yamoto Band ambao pia wanatoka Mkubwa na Wanawe wakitoa vionjo kadhaa wakati wa tukio hilo.
Kiongoni wa kituo cha Mkubwa na Wanawe, Said Fella akishukuru kwa hatua hiyo ya kurudisha fedhila kwa Jamii.


Shirikisho la Mpira wa Miguu Tanzania (TFF) latoa TAHADHARI KWA Dar YOUNG AFRICANS SC (YANGA)

Shirikisho la Mpira wa Miguu Tanzania (TFF), limepokea taarifa juu ya mpango na kauli za baadhi ya viongozi wa Young Africans SC kushawishi mashabiki wao kufanya vurugu dhidi ya warushaji matangazo ya televisheni ya moja kwa moja wakati wa mchezo wa Kombe la Shirikisho la Afrika ngazi ya Makundi kati ya Young Africans ya Tanzania na TP Mazembe ya Jamhuri ya Kidemokrasia ya Kongo (DRC) utakaofanyika Juni 28, 2016 saa 10.00 jioni kwenye Uwanja wa Dar es Salaam. 

TFF ikiwa msimamizi mkuu wa mpira wa miguu Tanzania, inawajibika na mara moja inachukua nafasi hii kuwatahadharisha baadhi ya viongozi wa Young Africans, wanachama na mashabiki wao kutofanya hivyo kwani itakuwa ni kinyume na  kanuni za mashindano na mikataba ya udhamini katika hatua hii. 
Ikumbukwe kwamba CAF inamiliki asilimia mia moja ya haki za habari na masoko katika ngazi hii ya makundi na jaribio lolote la kukwamisha matangazo ya biashara au utengenezaji na urushaji wa matangazo ya televisheni au ukwamishaji wa shughuli zingine kama hizo kwa CAF au wakala aliyeteuliwa na CAF kutaigharimu klabu mwenyeji si kwa kutozwa faini tu lakini pia uwezekano wa kuondolewa mashindanoni. 

Pia TFF inatoa tahadhari hiyo ikiwamo ile ya utamaduni wa kukaa uwanjani ili kuepusha aina yoyote ya vurugu kwenye michezo yake hususani hii ya hatua ya makundi. TFF inafahamu kuwa tayari viongozi wa Young Africans walikwisha kusoma nyaraka na taarifa mbalimbali kuhusu kanuni na masuala ya udhamini kwa timu zinazofuzu hatua ya Nane Bora.
Wapenzi wa Yanga wanaombwa kufika kwa wingi na kuishangilia kwa nguvu  timu yao ikiwa ni njia ya kuitia hamasa.Hata hivyo shamrashamra hizo zifanyike kwa kufuata sheria,kanuni na taratibu za Mpira wa Miguu na sheria za nchi. 
Vitendo vya kuashiria vurugu na kufanya vurugu vikithibitishwa katika taarifa ya Mwamuzi, Janny Sikazwe wa Zambia; Kamishna wa mchezo, Celestin Ntangungira wa Rwanda na Mratibu Mkuu Maalumu kutoka Msumbiji, Sidio Jose Mugadza, hatua zake zitachukuliwa dhidi yake ikiwamo KUONDOLEWA KWENYE MASHINDANO. Vilevile vitendo vya kutishia amani,kudhuru mwili au kuharibu mali vitachukuliwa hatua kwa mujibu wa taratibu za kijinai. 
Katika mchezo huo wa kimataifa Na. 107, Mwamuzi Sikazwe atasaidiwa na Jarson Emiliano dos Santos kutoka Angola atayekuwa kwenye mstari wa kulia (line 1) na Berhe O’Michael wa Eritrea atayekuwa upande wa kushoto (line 2) huku Wellington Kaoma wa Zambia akiwa ni mwamuzi wa akiba. 
Wakati huohuo, kikao cha Kamati ya Maadili ya Shirikisho la Mpira wa Miguu nchini kinatarajia kukaa siku ya Jumamosi tarehe 2 Julai 2016. Taarifa zaidi itatolewa karibuni.

…………………………………………………………………….
IMETOLEWA NA SHIRIKISHO LA SOKA TANZANIA


RAIS WA VoWET MAIDA WAZIRI AZINDUA UMOJA WA WANAFUNZI WA BIASHARA(BAA) ATOA SEMINA YA UJASILIAMALI, (TIA) DAR ES SALAAAM

Rais wa VoWET na Mkurugenzi Mtendaji wa IBRA Construction  Limited Bi. Maida Waziri akiongea na wanafunzi wa Chuo cha Uhasibu  TIA wakati wa uzunduzi rasmi wa umoja wa wanafunzi wa Biashara (BAA), ambapo aliwahimiza elimu wanayoipata wasiitumie kwenda kuombea kazi tuu lakini pia waitumie kwa ajili ya kufanya ujasiliamali kwa kujiajili wao wenyewe.
Rais wa VoWET na Mkurugenzi Mtendaji wa IBRA Construction  Limited Bi. Maida Waziri akikata keki ikiwa ni ishara ya uzinduzi rasmi wa umoja huo.
 Mwenyekiti wa kamati ya maandalizi ya uzinduzi wa  BAA Gwamaka Andrew (Kushoto) akimkabidhi Cheti cha Shukurani Mgeni rasmi Bi. Maida Waziri (Kulia)
Wanafunzi wa Chuo cha Uhasibu (TIA) wakiwa katika uzinduzi wa BAA
 Mgeni Rasmi akipata picha ya pamoja na Baadhi ya Viongozi wa BBA waliomaliza muda na wale wa sasa. Kwa picha zaidi BOFYA HAPA




MAENDELEO YA MIPANGO KABAMBE KWA MAJIJI YA ARUSHA NA MWANZA

Katibu Mkuu, Wizara ya Ardhi, Nyumba na Maendeleo ya Makazi; Dkt. Yamungu Kayandabila (wa tatu kutoka kushoto), pamoja na watendaji wakuu wa  wizara, wakifuatilia kwa makini taarifa ya Maendeleo ya Master Plan ya miji ya Arusha na Mwanza, iiliyokuwa ikitolewa na Wataalam wa Mradi wa kuendeleza miji hiyo  wa Kampuni ya Surbana ya nchini Singapore. Master plan hizo,zinatarajiwa kukamilika ifikapo; Agosti 19, 2016.


WAZIRI MKUU KASSIM MAJALIWA AHITIMISHA MASHINDANO YA KUHIFADHI QUR'AN TUKUFU YA KIMATAIFA

 Waziri Mkuu, Kassim Majaliwa  akisalimiana na Rais Mstaafu wa Awamu ya Pili, Alhaj Ali Hassan Mwinyi baada ya kuwasili kwenye ukumbi wa Diamond Jubilee jijini Dar es salaam Juni 26, 2016 kuhitimisha Mashindano ya Kuhifadhi Qur'an Tukufu ya kimataifa kwenye ukumbi wa Diamond Jubilee jijini Dar es slaam 
  Waziri Mkuu, Kassim Majaliwa akisalimiana na  Mufti wa Tanzania, Sheikh Abubakary Zubery bin Ally baada ya kuwasili kwenye ukumbi wa Diamond Jubilee jijini Dar es salaam kuhitimisha Mashindano ya Kuhifadhi Qur'an Tukufu ya Kimataifa Juni 26, 2016. Katikati ni Sheikh wa Mkoa wa Dar es salaam, Alhadi Mussa Salum.
 Waziri Mkuu, Kassim Majaliwa  akisalimiana na baadhi ya wageni  kwenye ukumbi wa Diamond Jubilee jijini Dar es salaam Juni 26, 2016 kuhitimisha Mashindano ya Kuhifadhi Qur'an Tukufu ya kimataifa kwenye ukumbi wa Diamond Jubilee jijini Dar es slaam.
 Waziri Mkuu, Kassim Majaliwa akizungumza wakati alipohitimisha Mashindano ya Kuhifadhi Qur'an Tukufu ya Kimataifa kwenye ukumbi wa Diamond Jubilee jijini Dar es salaam Juni 26, 2016

 Waziri Mkuu, Kassim Majaliwa akiwa na watoto wadogo kuliko wote walioshiriki katika Mashindano ya Kuhifadhi Qur'an Tukufu ya Kimataifa kwenye ukumbi wa Diamond Jubilee jijini Dar es salaam Juni 26, 2016.Watoto hao ni Abuzar Kholidi wa Tajikistan (Kulia) na Ahmad Abdullah Al-Azhar wa wa Bangladesh. Kwa picha zaidi BOFYA HAPA





SERENGETI BOYS YAONGOZA GOLI 3-0 DHIDI YA SECHELLES UWANJA WA TAIFA,MPIRA UNAENDELEA.

 Mpira umeanza kwa kasi na katika dakika 10 za mwanzo Serengeti Boys wanaonekana kutawala mpira na katika dakika ya 15 Nickson Kibabage anaiandikia Serengeti goli la kwanza akitumia maridadi mguu wake kushoto na kutinga nyavuni.

Dakika ya 22, Ibrahim Ally anaiandikia Stars goli la pili ikiwa ni shambulizi lililoanzia katikati ya uwanja.Mpira umeonekana kuchezwa upande mmoja na Serengeti kukosa nafasi nyingi za wazi.Mpira ni mapumziko na Serengeti wanatoka wakiwa mbele kwa goli 2.

Kipindi cha pil kimeanza na timu zote kuwa makini ambapo dakika ya 60, Ally Msengi anaiandikia Serengeti goli la tatu kwa mkwaju wa penati baada ya beki wa Shelisheli kuushika ndani ya 18 na mwamuzi kuamuru penati.
   
Mchezo kati ya Serengeti Boys na Sechelles unaopigwa hivi sasa uwanja wa Taifa, hadi sasa Serengeti Boys inaongoza kwa bao 3-0. 
 Wachezaji wa timu ya Serengeti Boys wakishangilia mara baada ya kupata goli. 
Mchezaji wa timu ya Serengeti Boys Rashid Mohamed Chambo akimchomoka mchezaji wa timu ya Sechelles,katika mchezo wao unaopigwa hivi sasa uwanja wa Taifa, hadi sasa Serengeti Boys inaongoza  bao 3-0.
 Wachezaaji wa timu ya Serengeti Boys wakionesha umahiri wao dhidi ya timu ya Sechelles
Mchezaji wa timu ya  Sechelles akiwa amelelala chini katika nginja ngija ya kusaka magoli dhidi ya timu ya Serengeti Boys ,katika mchezo wao unaofanyika hivi sasa uwanja wa Taifa, hadi sasa Serengeti Boys inaongoza bao 3-0. 


mchungaji mapumzikoni...

    


MAKAMU WA RAIS AHIMIZA AMANI NA UMOJA WAKATI WA TAFRIJA YA FUTARI ILIYOANDALIWA NA BAKWATA

Rais wa Jamhuri ya Muungano wa Tanzania Dakta JOHN MAGUFULI amewahimiza viongozi wa Baraza Kuu la Waislamu Tanzania- BAKWATA- waendelee kuombea amani katika taifa na kukemea ipasavyo vitendo vya uhalifu katika jamii ya Kitanzania.
Kauli hiyo ya Rais imetolewa na Makamu wa Rais wa Jamhuri ya Muungano wa Tanzania SAMIA SULUHU HASSAN kwa niaba ya Rais katika tafrija ya futari iliyoandaliwa na Baraza Kuu la Waislamu Tanzania- BAKWATA- katika uwanja wa shule ya sekondari ya KINONDONI MUSLIM jijini Dar es Salaam.
Rais Magufuli amesema jamii yeyote inayolelewa na kukua katika misingi ya kufuata maandiko ya Mwenyezi Mungu ni vigumu kujiingiza kirahisi katika vitendo vinavyomchukiza Mungu vikiwemo vitendo vya uhalifu.

Rais MAGUFULI pia amewatakia kheri waumini wote wa dini ya kiislamu kote nchini katika mfungo wa mwezi Mtukufu wa Ramadhani.
Kwa upande wake, Mufti Mkuu wa Tanzania Sheikh ABUBAKAR ZUBEIR ameipongeza serikali kwa hatua inazochukua katika kukabiliana na vitendo vya uhalifu hapa nchini na kusisisita kuwa Viongozi wa BAKWATA na wataendelea kushirikiana na serikali katika kukemea vitendo viovu katika jamii kama hatua ya kuhakikisha vitendo vya uhalifu vinakoma hapa nchini.

Mufti wa Tanzania pia ametoa rai kwa waislamu wote nchini wadumishe umoja,upendo na mshikamano miongoni mwao katika Mfungo wa Mwezi Mtukufu wa Ramadhani na hata baada ya mfungo kama kitabu kitukufu cha QUR’AN kinavyoelekeza.

Imetolewa na
Ofisi ya Makamu wa Rais.
26-Jun-16

Makamu wa Rais wa Jamhuri ya Muungano wa Tanzania Mhe. Samia Suluhu  Hassan akizungumza wakati wa tafrija ya Futari iliyoandaliwa na Baraza Kuu la Waisalm wa Tanzania (Bakwata) iliyofanyika kwenye uwanja wa shule ya sekondari ya Kinondoni Muslim ambapo alimuwakilisha Mhe. Rais wa Jamhuri ya Muungano wa Tanzania Dkt. John Pombe Magufuli na kuwahimiza viongozi wa Baraza Kuu la Waislamu Tanzania (BAKWATA) waendelee kuombea amani katika Taifa na kukemea ipasavyo vitendo vya uhalifu katika jamii ya Kitanzania.
Mufti Mkuu wa Tanzania Sheikh Abubakar Zubeir akizungumza wakati wa tafrija ya futari iliyoandaliwa na Baraza Kuu la Waislamu wa Tanzania ambapo alisema uongozi wa sasa wa BAKWATA umedhamiria kudumisha umoja,upendo na mshikamano baina ya Waislamu wote nchini, Tafrija hiyo ambayo mgeni rasmi alikuwa Makamu wa Rais wa Jamhuri ya Muungano wa Tanzania Mhe. Samia Suluhu Hassan aliyemuwakilisha Mheshimiwa Rais wa Jamhuri Muungano wa Tanzania.
Sehemu ya wageni waliohudhuria tafrija ya futari iliyoandaliwa na Baraza Kuu la Waislam katika viwanja vya Shule ya Sekondari ya Kinondoni Muslim  jijini Dar es Salaam.
Mwenyekiti wa Jopo la Masheikh Sheikh Suleiman Amran Kilemile akitafsiri moja ya aya ya Quran inayojenga na kuimarisha umoja na mshikamano kwa waislam.
Sheikh Mkuu wa mkoa wa Dar es Salaam Shekh Alhad Mussa Salum akitoa utambulisho wa wageni wa jumuiya mbali mbali za waislam waliohudhuria tafrija ya futari iliyoandaliwa na Baraza Kuu la Waislamu Tanzania na kuhudhuriwa na Makamu wa Rais wa Jamhuri ya Muungano wa Tanzania Mhe. Samia Suluhu Hassan.
Viongozi wa Wanawake Waislamu Tanzania wakisikiliza kwa makini nasaha  za viongozi mara baada ya kufuturu katika tafrija ya futari iliyoandaliwa na Baraza Kuu la Waislamu Tanzania.


BOFYA HAPA KWA PICHA ZAIDI


WASHINDI WA KAMATA MPUNGA NA VODACOM WAKABIDHIWA VITITA VYAO

Meneja Uhusiano wa Vodacom Tanzania,Matina Nkurlu(kushoto)akimsaidia kutoa pesa kiasi cha shilingi Milioni 1/=Gilibert Lutwaze(katika)kwa njia ya huduma ya  M-Pesa, alizojishindia katika promosheni ya ‘Kamata Mpunga’inayowawezesha wateja wa mtandao huo kujishindia pesa taslimu kuanzia shilingi Milioni 1 hadi 100.Mwingine katika picha ni mshindi wa promosheni hiyo, Pascal Mahoni(kulia)aliyejishindia kitita cha shilingi Milioni 5/= Ili mteja aweze kushiriki katika promosheni hii anatakiwa kutuma neno “GO”kwenda namba 15544aidha mteja anaweza kujiunga moja kwa moja kwa kutuma neno”WIN”kwenda namba 15544 na mteja atapata ujumbe wa kujibu maswali.

 Mshindi wa kitita cha shilingi Milioni 5/=kupitia promosheni ya”Kamata Mpunga” inayoendeshwa na Vodacom Tanzania,Pascal Mahoni mkazi wa Mkuranga mkoa wa Pwani(kulia)akipokea kitita chake leo toka kwa Meneja Uhusiano wa kampuni hiyo,Matina Nkurlu(kushoto) katika ni mshindi mwingine wa Milioni 1/= Mkazi wa Sinza jijini Dar es Salaam,Gilibert Lutwaze.
 Meneja Uhusiano wa Vodacom Tanzania,Matina Nkurlu(kushoto)na Kaimu Meneja wa duka la kampuni hiyo,Mlimani City jijini Dar es Salaam,Said Ndomondo(kulia)wakiwashuhudia washindi wa promoshe ya”Kamata Mpunga”inayoendeshwa na kampuni hiyo,wakihesabu pesa zawa mara baada ya kukabidhiwa leo,wapili kulia ni mshindi wa Milioni 5/=Pascal Mahoni ambaye ni mkazi wa Mkuranga mkoa wa Pwani, Mshindi wa Milioni 1/=Pamela Komba na Gilibert Lutwaze,wote ni wakazi wa jijini.
Meneja Uhusiano wa Vodacom Tanzania,Matina Nkurlu(kushoto)akimkbidhi kitita cha pesa kiasi cha shilingi Milioni 1/=Gilibert Lutwaze alizojishindia katika promosheni ya ‘Kamata Mpunga’inayowawezesha wateja wa mtandao huo kujishindia pesa taslimu kuanzia shilingi Milioni 1 hadi 100
 Meneja Uhusiano wa Vodacom Tanzania,Matina Nkurlu(kushoto)akimkabidhi mkazi wa Sinza jijini Dar es Salaam, Gilibert Lutwaze(wapili kushoto)kitita cha shilingi Milioni 1/=alizojishindia kupitia promoshe ya”Kamata Mpunga”inayoendeshwa na kampuni hiyo,wengine katika picha Mshindi wa Milioni 1/=Pamela Komba(katikati)na mshindi wa kitita cha shilingi Milioni 5/= Pascal Mahoni.